الشاعرعبد المنعم محمد أحمد توب السوق

انت الرجاء والمرتجى

انت الرجاء والمرتجى يا ملجئى والملتجا
الصبح صبحك والضياء والليل ليلك والدجى
والارض ارضك والسما والكون ملكك والوجا
والعلم علمك والقضاء والغوث غوثك والنجاة
والعفو عفوك والرضاءوالفضل فضلك والحجا
بالشمس تقسم والضحى والصبح اشرق ابلجا
والعصر والنجم السرى والليل ديجر او سجى
والنور فيضك والهدى وجلال وجهك اسرجا
ندعوك فى شهر الصفاء فالجود صدريا اثلجا
إلّم نلذ بجلال ملكك ربنا وكمال علمك مفرجا
ندعوك نؤمن بالبلاء فاجعل لكربنا مخرجا
اكشف سقام حبيبناوبحق من اسرااليك واعرجا

الشكو لى الله

يبكى الصغير يمه زادت عليه الحمّى
وامك دى يا الشمة ما اتحيّرت ضمّه
شايلاه وتلوليهو يبكى وتهز فيهو
غلبا التسوّيهو بعدالسبع اشواط لاجمّ لازمّ
حق العلاج من وين جبناه الاكل بالدّين
مارقين لها الاتنين و لا راحة لا جمّه
يادوب ايجار البيت وحق البصل والزيت
ولا شلت لا ختيت راتب الشهير تمّه
اسع علاجك كيف سالّى الزيادات سيف
واقفا لنا زى اب نيف قصّت ضهور امّة
وبى الصبر نتحلى ولى العيشى ننذلّ
والشكواة لى الله شان يكشفا الغمّة
شايف براهو الحال ونرفع نخت ارحال
بارانا ضيق الحال وحارسين فى لو وثمّ
لومابتأكل عيش وصفّ المطالب جيش
شيل حس عديل فتّيش صنّ الاضان صمّ
ان كان كواهم يوم ديل ناس علية القوم
ما كان صدر مرسوم والاّ القرار عمّ
فوق راسنا كل محنة ويانا الوقود نحنا
وكوركنا عووك صحنا لمّا البطن طمّه
ماسك الجدار شقّيق ومرقو اتفلق فليق
واقفين ترانا آرنيق وكان بكره يترمّ
رافعنوا فى الاكتاف وماشينبو للاسعاف
والباكى والشنّاف حجّى وغلات ولمّه

[size=32]خزان مروى[/size]

[size=32]يبسان سنين ضبلان ضبل
وحيرنى زعولنى اتخبل
ياربى مالو؟غشاه الخدر
وباضتلو فى الاربع قبل
ماشا الله خزانّا الشمخ
واجيد لنا الخير بالهبل
الموجه عالى تلال تلال
والمويه عن راس الجبل
وانشرشرت روت اليباب
وشرب الصعيد وانبلّ بل
ويادوبو كادوك الشمال
اتفك ,غاب زمن انكبل
وخيرات عمّت فى الربوع
وبالكهرباء الخزان حبل
وكشرنا كل باب لى الفقر
وسوينا ليهو عشر طبل
والنعمة ظاهرى تحدثا
بى العمّى والشال أبعبل
ومطاريهز ويرزعريض
وشارع زلط لى ام درقبل
ومستشفيات قايمات كبار
وعمران بشايرو نعيم سبل
وتجارة وايجارات بيوت
ولى الجايع الصرمان دبل
ويالفاقة قاشرناك خلاص
قومى العفش شوفيلو حل
واوعك تبيٍِّتى لى الصباح
وفى دارنا ماعندك محل
ماك شايفى اخيّانك مشو
الكادوك زمان عزّل رحل
والضيم وعيشة الشحتفة
وتبعا اليباس وورا المحل
وراجين من الخزان كتير
شان نبقى فوق نبلغ زحل[/size]

» نحن في السودان - أحمد المصطفى
» محمد النصري
» الشيخ / صديق أحمد حمدون
» حبيب العمر - شرحبيل أحمد
» لقرأن الكريم القارئ أحمد بن علي العجمي