ﻣﺮﻳﻢ ﻭﺍﻟﻐﻮﻝ

ﻣﺮﻳﻢ ﻭﺍﻟﻐﻮﻝ
ﻛﺎﻥ ﻓﻲ ﺷﻴﺦ ﻛﺒﻴﺮ ﻓﻲ ﺍﻟﺴﻦ
ﻭﻋﻨﺪﻭ ﻭﻟﺪ ﺍﺳﻤﻮ ﻳﺎﺳﺮ ﻭﺑﻨﺖ
ﺍﺳﻤﻬﺎ ﻣﺮﻳﻢ ﻭﻣﺎﺗﺖ ﺃﻣﻬﻢ
ﻭﺗﺮﻛﺘﻬﻢ ﺻﻐﺎﺭ ﻭﻛﺎﻥ ﺍﻟﺸﻴﺦ
ﺍﻟﻌﺠﻮﺯ ﻳﺮﺑﻲ ﻓﻲ ﺃﻭﻻﺩﻩ ﺣﺘﻰ
ﺗﻮﻓﻲ ﻋﻨﻬﻢ ﻭﺧﻼﻫﻢ ﺑﺮﺍﻫﻢ ﺑﻌﺪ
ﺩﺍﻙ ﻳﺎﺳﺮ ﺃﺧﺪ ﺃﺧﺘﻮ ﻭﻣﺸﻲ ﺑﻴﻬﺎ
ﻟﻠﻐﺎﺑﺔ ﻭﻫﻨﺎﻙ ﺑﻨﻲ ﻟﻴﻬﻢ ﺑﻴﺖ
ﻛﺒﻴﺮ ﻭﻗﻌﺪﻭﺍ ﻓﻴﻪ ﺳﻮﺍ ﻭﻛﺎﻥ
ﻳﺎﺳﺮ ﻛﻞ ﻳﻮﻡ ﻳﻄﻠﻊ ﻟﻠﺸﻐﻞ
ﻭﻳﺨﻠﻲ ﻣﺮﻳﻢ ﺑﺮﺍﻫﺎ ﻭﻳﻘﻮﻝ ﻟﻴﻬﺎ
ﺃﻭﻋﻚ ﻳﺎ ﻣﺮﻳﻢ ﺗﻔﺘﺤﻲ ﺍﻟﺒﺎﺏ ﻟﻲ
ﺯﻭﻝ ﻭﻛﺎﻥ ﻳﺎﺳﺮ ﻛﻠﻤﺎ ﻳﺠﻲ
ﺍﻟﺒﻴﺖ ﻳﻨﺎﺩﻱ ﻣﺮﻳﻢ ﻭﻳﻘﻮﻝ ﻟﻴﻬﺎ
ﻣﺮﻳﻢ
ﻣﺮﻳﻢ ﺑﺖ ﺃﻣﻲ ﺍﻟﺼﻴﺪ ﺍﻟﻴﺮﻳﻢ ﺃﻧﺎ
ﺑﺎﻟﻲ ﻟﻴﻚ ﻳﺎ ﻣﺮﻳﻢ ﻭﻫﻲ ﺗﺮﺩ
ﻋﻠﻴﻪ ﻭﺗﻘﻮﻝ ﻟﻴﻪ ﻳﺎﺳﺮ ﻳﺎﺳﺮ ﻭﺩ
ﺃﻣﻲ ﺍﻟﺪﻭﺩ ﺍﻟﺠﺎﺳﺮ ﺃﻧﺎ ﺑﺎﻟﻲ ﻟﻴﻚ
ﻳﺎ ﻳﺎﺳﺮ ﻭﺑﻌﺪ ﻛﺪﻩ ﺗﻔﺘﺢ ﻟﻴﻪ
ﺍﻟﺒﺎﺏ ﻭﻛﺎﻥ ﺟﻨﺒﻬﻢ ﻏﻮﻝ ﻛﺒﻴﻴﻴﺮ
ﻭﺑﻴﺎﻛﻞ ﺍﻟﻨﺎﺱ ﻭﻛﺎﻥ ﻳﺎﺳﺮ ﺧﺎﻳﻒ
ﻋﻠﻲ ﻣﺮﻳﻢ ﻣﻨﻪ ﻋﺸﺎﻥ ﻛﺪﻩ ﻣﺎ
ﺑﺨﻠﻴﻬﺎ ﺗﻔﺘﺢ ﺍﻟﺒﺎﺏ ﻟﻲ ﺯﻭﻝ
ﻭﻟﻜﻦ ﺍﻟﻐﻮﻝ ﺩﻩ ﻛﺎﻥ ﻣﺘﺎﺑﻊ
ﺣﺮﻛﺎﺕ ﻳﺎﺳﺮ ﻛﻠﻬﺎ ﻭﺣﺎﻓﻆ ﺍﻟﻜﻼﻡ
ﺍﻟﺒﻨﺎﺩﻱ ﺑﻴﻪ ﻣﺮﻳﻢ ﻭﻓﻲ ﻳﻮﻡ ﻣﻦ
ﺍﻷﻳﺎﻡ ﺧﻠﻲ ﻳﺎﺳﺮ ﻃﻠﻊ ﻭﺟﺎﺀ ﻟﻲ
ﻣﺮﻳﻢ ﻭﻗﻌﺪ ﻳﻘﻮﻝ ﻟﻴﻬﺎ ﺑﺼﻮﺗﻮ
ﺍﻟﺘﺨﻴﻦ ﻣﺮﻳﻢ ﻣﺮﻳﻢ ﺑﺖ ﺃﻣﻲ
ﺍﻟﺼﻴﺪ ﺍﻟﻴﺮﻳﻢ ﺃﻧﺎ ﺑﺎﻟﻲ ﻟﻴﻚ ﻳﺎ
ﻣﺮﻳﻢ ﻋﺸﺎﻥ ﻳﻐﺸﻬﺎ ﻟﻜﻦ ﻣﺮﻳﻢ
ﻋﺮﻓﺘﻮ ﻭﻗﺎﻟﺖ ﻟﻴﻪ ﺍﻣﺸﻲ ﻳﺎ
ﺍﻟﻐﻮﻝ ﺃﻧﺎ ﺻﻮﺕ ﻳﺎﺳﺮ ﺍﺧﻮﻱ ﺯﻱ
ﺻﻮﺕ ﺍﻟﺠﺮﺱ ﺍﻟﺮﻧﺎﻥ ﻭﺃﻧﺎ
ﻋﺮﻓﺘﻚ ﻭﻣﺎ ﺑﻔﺘﺢ ﻟﻴﻚ، ﻗﺎﻡ
ﺍﻟﻐﻮﻝ ﺃﺗﻐﺎﻅ ﺷﺪﻳﺪ ﻭﻣﺸﻲ
ﻟﻠﺤﺪﺍﺩ ﻭﻗﺎﻝ ﻟﻴﻪ ﺇﻻ ﺗﺼﻠﺢ ﻟﻲ
ﺻﻮﺗﻲ ﺩﻩ ﻭﺗﺒﻘﻴﻪ ﻟﻲ ﺯﻱ
ﺍﻟﺠﺮﺱ ﺍﻟﺮﻧﺎﻥ ﻭﻻ ﺃﻧﺎ ﺑﺄﻛﻠﻚ
ﻭﻗﺎﻡ ﺍﻟﺤﺪﺍﺩ ﺻﻠﺤﻮ ﻟﻴﻪ ﻭﻗﺎﻝ
ﻟﻴﻪ ﺃﻭﻋﻚ ﺗﺎﻛﻞ ﺃﻱ ﺣﺎﺟﻪ ﺇﻻ
ﺑﻜﺮﻩ ﻣﺸﻲ ﺍﻟﻐﻮﻝ ﻭﻗﻌﺪ ﺍﻟﻴﻮﻡ
ﻛﻠﻮ ﻣﻦ ﻏﻴﺮ ﺃﻛﻞ ﻭﻟﻜﻦ ﻟﻤﻦ
ﺍﻟﻌﺼﺮ ﺟﻲ ﻣﺎ ﻗﺪﺭ ﻳﺼﺒﺮ ﻭﻟﻘﻲ
ﻟﻴﻪ ﺣﺸﺮﻩ ﻃﺎﻳﺮﻩ ﻗﺎﻡ ﺍﻛﻠﻬﺎ
ﻭﺑﻌﺪﻳﻦ ﻣﺸﻲ ﺗﺎﻧﻲ ﻟﻲ ﻣﺮﻳﻢ
ﻭﻗﺎﻝ ﻟﻴﻬﺎ ﻣﺮﻳﻢ ﻣﺮﻳﻢ ﺑﺖ ﺍﻣﻲ
ﺍﻟﺼﻴﺪ ﺍﻟﻴﺮﻳﻢ ﺃﻧﺎ ﺑﺎﻟﻲ ﻟﻴﻚ ﻳﺎ
ﻣﺮﻳﻢ ﻭﺑﺮﺿﻮ ﻣﺮﻳﻢ ﻋﺮﻓﺘﻮ
ﻭﻗﺎﻟﺖ ﻟﻴﻪ ﺍﻣﺸﻲ ﻳﺎ ﺍﻟﻐﻮﻝ ﺃﻧﺎ
ﺻﻮﺕ ﻳﺎﺳﺮ ﺍﺧﻮﻱ ﺯﻱ ﺻﻮﺕ
ﺍﻟﺠﺮﺱ ﺍﻟﺮﻧﺎﻥ ﺍﻣﺸﻲ ﻣﻦ ﻫﻨﺎ ،،
ﻣﺸﻲ ﺍﻟﻐﻮﻝ ﻟﻲ ﺍﻟﺤﺪﺍﺩ ﺯﻋﻼﻥ
ﺯﻋﻞ ﺷﺪﻳﺪ
ﻭﻗﺎﻝ ﻟﻠﺤﺪﺍﺩ : ﺃﻧﺎ ﺍﻟﻠﻴﻠﺔ ﺇﻻ ﺍﻛﻠﻚ
ﻻﻧﻚ ﻏﺸﻴﺘﻨﻲ
ﺍﻟﺤﺪﺍﺩ ﻗﺎﻝ ﻟﻴﻪ: ﺃﻧﺎ ﻣﺎ ﻏﺸﻴﺘﻚ
ﺍﻧﺘﻪ ﺍﻛﻠﺖ ﺷﻨﻮ
ﺍﻟﻐﻮﻝ ﻗﺎﻝ ﻟﻴﻪ: ﺃﻧﺎ ﺑﺲ ﺍﻛﻠﺘﻪ ﻟﻲ
ﺣﺸﺮﻩ ﺻﻐﻴﺮﻩ ﻛﺎﻧﺖ ﻃﺎﻳﺮﻩ
ﺟﻤﺒﻲ
ﻗﺎﻡ ﺍﻟﺤﺪﺍﺩ ﺗﺎﻧﻲ ﺻﻠﺢ ﻟﻴﻪ
ﺻﻮﺗﻮ ﻭﻗﺎﻝ ﻟﻴﻪ ﺍﻟﻤﺮﻩ ﺩﻱ ﺃﻭﻋﻚ
ﺗﺎﻛﻞ ﺣﺎﺟﻪ ، ﻭﻣﺸﻲ ﺍﻟﻐﻮﻝ ﻟﻲ
ﻣﺮﻳﻢ ﻭﻗﺎﻝ ﻟﻴﻬﺎ ﻣﺮﻳﻢ ﻣﺮﻳﻢ ﺑﺖ
ﺍﻣﻲ ﺍﻟﺼﻴﺪ ﺍﻟﻴﺮﻳﻢ ﺃﻧﺎ ﺑﺎﻟﻲ ﻟﻴﻚ
ﻳﺎ ﻣﺮﻳﻢ ﻟﻜﻦ ﻣﺮﻳﻢ ﺍﻟﻤﺮﻩ ﺩﻱ
ﻗﺎﻳﻼﻩ ﻳﺎﺳﺮ ﻭﻃﻮﺍﻟﻲ ﻓﺘﺤﺖ ﻟﻴﻪ
ﺍﻟﺒﺎﺏ ﻗﺎﻡ ﺍﻟﻘﻮﻝ ﺩﺧﻞ ﺍﻟﺒﻴﺖ
ﺳﺮﻳﻊ ﻭﻗﻔﻞ ﺍﻟﺒﺎﺏ ﻭﻗﺎﻝ ﻟﻴﻬﺎ ﺃﻧﺎ
ﺍﻟﻠﻴﻠﺔ ﺇﻻ ﺍﻋﺮﺳﻚ ﻭﻗﻌﺪ ﻣﻌﺎﻫﺎ
ﻓﻲ ﺍﻟﺒﻴﺖ ﻭﻟﻤﻦ ﺟﺎﺀ ﻳﺎﺳﺮ ﺍﺑﻲ
ﻳﻔﺘﺢ ﻟﻴﻪ ﺍﻟﺒﺎﺏ ﻭﻋﺮﻑ ﻳﺎﺳﺮ ﺍﻧﻮ
ﺍﻟﻐﻮﻝ ﺩﺧﻞ ﻟﻲ ﺍﺧﺘﻮ ﻭﻣﺸﻲ
ﻓﻲ ﺍﻟﻐﺎﺑﺔ ﻗﺎﻣﺖ ﻻﻗﺘﻮ ﺍﻟﻠﺒﻮﻩ
ﻣﺮﺕ ﺍﻷﺳﺪ ﻭﻫﻲ ﻋﺎﻭﺯﻩ ﺗﻮﻟﺪ
ﻗﺎﻟﺖ ﻟﻴﻊ ﺍﻧﺘﻪ ﻭﻟﺪﻧﻲ ﻭﺍﻧﺎ ﺑﺪﻳﻚ
ﺟﻨﺎﻱ ﻗﺎﻡ ﻳﺎﺳﺮ ﻭﻟﺪﻫﺎ ﻭﺩﺳﻪ ﻟﻴﻪ
ﻭﺍﺣﺪ ﺑﻲ ﻭﺭﺍﺀ ﺿﻬﺮﻭ ﻭﻗﺎﻝ ﻟﻴﻬﺎ
ﻳﻼ ﺍﺩﻳﻨﻲ ﻭﺍﺣﺪ ﻗﺎﻟﺖ ﻟﻴﻪ ﻓﻲ
ﺯﻭﻝ ﺑﺪﻱ ﺟﻨﺎﻩ ﻗﺎﻡ ﺷﺎﻝ ﺍﻷﺳﺪ
ﺍﻟﺼﻐﻴﺮ ﻭﻣﺸﻲ ﻭﻓﻲ ﺍﻟﻄﺮﻳﻖ
ﺑﺮﺿﻮﺍ ﻻﻗﺘﻮ ﻓﻬﺪﻩ ﻣﺮﺕ ﺍﻟﻔﻬﺪ
ﻋﺎﻭﺯﻩ ﺗﻮﻟﺪ ﻗﺎﻟﺖ ﻟﻴﻪ ﻭﻟﺪﻧﻲ
ﺑﺪﻳﻚ ﺟﻨﺎﻱ ﻭﺑﺮﺿﻮﺍ ﻭﻟﺪﺍ ﻭﺩﺱ
ﻟﻴﻪ ﻭﺍﺣﺪ ﻭﺭﺍﺀ ﺿﻬﺮﻭ ﻭﻗﺎﻝ ﻟﻴﻬﺎ
ﻳﻼ ﺍﺩﻳﻨﻲ ﻗﺎﻟﺖ ﻟﻴﻪ ﻓﻲ ﺯﻭﻝ
ﺑﺪﻱ ﺟﻨﺎﻩ ﻭﺍﺧﺪ ﻳﺎﺳﺮ ﺍﻟﻔﻬﺪ
ﺍﻟﺼﻐﻴﺮ ﻭﻣﺸﻲ ﻟﺤﺪ ﻣﺎ ﻟﻘﻲ ﻟﻴﻪ
ﺗﺎﻧﻲ ﻧﻤﺮﻩ ﻣﺮﺕ ﺍﻟﻨﻤﺮ ﻭﺑﺮﺿﻮ
ﻋﺎﻭﺯﻩ ﺗﻮﻟﺪ ﻗﺎﻟﺖ ﻟﻴﻪ ﻭﻟﺪﻧﻲ
ﺑﺪﻳﻚ ﺟﻨﺎﻱ ﻭﻟﻤﺎ ﻭﻟﺪﻫﺎ ﺩﺳﻪ ﻟﻴﻪ
ﻭﺍﺣﺪ ﻭﺭﺍﺀ ﺿﻬﺮﻭ ﻭﻗﺎﻝ ﻟﻴﻬﺎ ﻳﻼ
ﺍﺩﻳﻨﻲ ﻭﺍﺣﺪ ﻗﺎﻟﺖ ﻟﻴﻪ ﻓﻲ ﺯﻭﻝ
ﺑﺪﻱ ﺟﻨﺎﻩ ﻭﺑﻌﺪ ﻛﺪﻩ ﺍﺧﺪ ﻳﺎﺳﺮ
ﺍﻻﺳﺪ ﻭﺍﻟﻨﻤﺮ ﻭﺍﻟﻔﻬﺪ ﺍﻟﺼﻐﺎﺭ
ﻭﺣﻔﺮ ﻟﻴﻬﻢ ﺣﻔﺮﻩ ﻛﺒﻴﺮﻩ ﻓﻲ
ﺍﻟﻐﺎﺑﺔ ﻭﺧﺘﺎﻫﻢ ﻓﻴﻬﺎ ﻟﺤﺪ ﻣﺎ
ﻳﻜﺒﺮﻭﺍ ﻭﺑﻌﺪ ﻛﻢ ﻳﻮﻡ ﻣﺸﻲ ﻳﺰﻭﺭ
ﻣﺮﻳﻢ ﺍﺧﺘﻮ ﻭﻟﻘﻲ ﺍﻟﻐﻮﻝ ﻣﺎﻓﻲ
ﻭﻧﺎﺩﻱ ﻳﺎﺳﺮ ﻣﺮﻳﻢ ﻣﺮﻳﻢ ﺑﺖ ﺍﻣﻲ
ﺍﻟﺼﻴﺪ ﺍﻟﻴﺮﻳﻢ ﺃﻧﺎ ﺑﺎﻟﻲ ﻟﻴﻚ ﻳﺎ
ﻣﺮﻳﻢ ﻓﺮﺩﺕ ﻋﻠﻴﻪ ﻣﺮﻳﻢ ﻳﺎﺳﺮ
ﻳﺎﺳﺮ ﻭﺩ ﺍﻣﻲ ﺍﻟﺪﻭﺩ ﺍﻟﺠﺎﺳﺮ ﺃﻧﺎ
ﺑﺎﻟﻲ ﻟﻴﻚ ﻳﺎ ﻳﺎﺳﺮ ﻭﻓﺘﺤﺖ ﻟﻴﻪ
ﺍﻟﺒﺎﺏ ﻭﻗﺎﻟﺖ ﻟﻴﻪ ﺳﺮﻳﻊ ﺍﺩﺧﻞ
ﻗﺒﻞ ﺍﻟﻐﻮﻝ ﻣﺎﻳﺠﻲ ﻭﻳﻠﻘﺎﻙ ﻫﻨﺎ
ﻭﺳﻠﻢ ﻳﺎﺳﺮ ﻋﻠﻲ ﻭﻟﺪ ﺍﺧﺘﻮ
ﺍﻟﺼﻐﻴﺮ ﻭﻗﻌﺪ ﻣﻌﺎﻫﻢ ﺷﻮﻳﻪ
ﻭﻗﺒﻞ ﻣﺎ ﻳﻤﺸﻲ ﻣﻨﻬﻢ ﺍﻟﻐﻮﻝ ﺟﺎﺀ
ﻭﺧﺎﻓﺖ ﻣﺮﻳﻢ ﻋﻠﻲ ﺃﺧﻮﻫﺎ ﺷﺪﻳﺪ
ﻭﻗﺎﻟﺖ ﻟﻴﻪ ﺍﻫﺮﺏ ﺳﺮﻳﻊ ﻟﻜﻦ ﻣﺎ
ﻛﺎﻥ ﻓﻲ ﺯﻣﻦ ﻭﺟﺎﺀ ﺍﻟﻐﻮﻝ ﻭﻗﺎﻝ
ﻟﻲ ﻣﺮﻳﻢ ﺃﻧﺎ ﺷﺎﻣﻲ ﻟﻲ ﺭﻳﺤﺔ
ﺇﻧﺴﺎﻥ ﺍﻧﺘﻲ ﻣﻌﺎﻙ ﻣﻨﻮ ﻗﺎﻟﺖ ﻟﻴﻪ
ﻣﺎ ﻣﻌﺎﻱ ﺯﻭﻝ ﻭﻟﻜﻦ ﺍﻟﻮﻟﺪ ﺍﻟﺼﻐﻴﺮ
ﻗﺎﻝ ﺍﺑﻮﻱ ﺍﺑﻮﻱ ﺧﺎﻟﻲ ﺗﺤﺖ
ﺍﻟﺴﺮﻳﺮ ﻭﻗﺎﻡ ﺍﻟﻐﻮﻝ ﻃﻠﻊ ﻳﺎﺳﺮ
ﻣﻦ ﺗﺤﺖ ﺍﻟﺴﺮﻳﺮ ﻭﻗﺎﻝ ﻟﻴﻪ ﺍﻟﻠﻴﻠﻪ
ﺩﻣﻚ ﺟﻐﻤﺔ ﻭﻟﺤﻤﻚ ﻟﻘﻤﺔ ﻗﺎﻡ
ﻳﺎﺳﺮ ﻗﺎﻝ ﻟﻴﻪ ﺧﻼﺹ ﺍﺩﻳﻨﻲ
ﻣﻬﻠﻪ ﺍﻗﻮﻝ ﺑﺲ ﻛﻠﻤﺘﻴﻦ ﺍﻟﻐﻮﻝ
ﻗﺎﻝ ﻟﻴﻪ ﺧﻼﺹ ﻗﻮﻝ ﻗﺎﻡ ﻳﺎﺳﺮ
ﻭﻗﻒ ﻓﻲ ﻧﺺ ﺍﻟﺒﻴﺖ ﻭﻛﻮﺭﻙ ﻳﺎ
ﻧﻤﺮﻭ ﻳﺎ ﺃﺳﺪﻭ ﻳﺎ ﻓﻬﺪﻭ ﺳﻴﺪﻛﻢ
ﺍﻛﻠﻮ ﺑﺲ ﻃﻮﺍﻟﻲ ﻗﺎﻣﻮﺍ ﺍﻻﺳﺪ
ﺍﻟﻔﻬﺪ ﻭﺍﻟﻨﻤﺮ ﺍﻟﻜﺎﻥ ﻣﺮﺑﻴﻬﻢ ﻓﻲ
ﺍﻟﻐﺎﺑﺔ ﺟﻮﺍ ﺳﺮﻳﻊ ﺟﺎﺭﻳﻴﻦ
ﻭﺩﺧﻠﻮﺍ ﺍﻟﺒﻴﺖ ﻗﺎﻡ ﻳﺎﺳﺮ ﻗﺎﻝ
ﻟﻴﻬﻢ ﺍﻛﻠﻮﺍ ﺍﻟﻐﻮﻝ ﺩﻩ ﻭﻣﺎ ﺗﻔﻀﻠﻮﺍ
ﻓﻴﻪ ﺇﻻ ﻋﻀﻢ ﺍﻟﺮﺑﺎﺑﺔ ﻫﻤﻤﻢ ﺍﻛﻠﻮﺍ
ﺍﻟﻐﻮﻝ ﺍﻛﻠﻮﺍ ﻣﺮﻳﻢ ﺩﻱ ﻭﻣﺎ
ﺗﻔﻀﻠﻮﺍ ﻓﻴﻬﺎ ﺇﻻ ﻋﻀﻢ ﺍﻟﺮﺑﺎﺑﺔ
ﻫﻤﻤﻢ ﺍﻛﻠﻮﺍ ﻣﺮﻳﻢ ﺍﻛﻠﻮﺍ ﺍﻟﻮﻟﺪ ﺩﻩ
ﻭﻣﺎ ﺗﻔﻀﻠﻮﺍ ﻓﻴﻪ ﺇﻻ ﻋﻀﻢ ﺍﻟﺮﺑﺎﺑﺔ
ﻫﻤﻤﻢ ﺍﻛﻠﻮﺍ ﺍﻟﻮﺍﻟﺪ ﻭﺟﺎﺕ ﺣﻤﺎﻣﺔ
ﻭﻗﻔﺖ ﺗﺘﻔﺮﺝ ﻋﻠﻴﻬﻢ ﻳﺎﺳﺮ ﻗﺎﻝ
ﻟﻴﻬﻢ ﺍﻛﻠﻮﺍ ﺍﻟﺤﻤﺎﻣﺔ ﺩﻱ ﻭﻣﺎ
ﺗﻔﻀﻠﻮﺍ ﻓﻴﻬﺎ ﺇﻻ ﻋﻀﻢ ﺍﻟﺮﺑﺎﺑﺔ
ﻫﻤﻤﻢ ﺍﻛﻠﻮﺍ ﺍﻟﺤﻤﺎﻣﺔ ﻭﺑﻌﺪ ﺩﺍﻙ
ﺍﺧﺪ ﻳﺎﺳﺮ ﻋﻀﺎﻡ ﺍﻟﺮﺑﺎﺑﺔ ﻭﻗﻌﺪ
ﻳﻌﺰﻑ ﻋﻠﻴﻬﻢ ﺟﺎﻫﻮ ﺻﻮﺕ ﻣﺮﻳﻢ
ﺗﻘﻮﻝ ﺃﻧﺎ ﺷﻦ ﺳﻮﻳﺖ ﻳﺎ ﺿﻮ
ﺍﻟﺒﻴﺖ ،،ﺍﻧﺎ ﺷﻦ ﺳﻮﻳﺖ ﻳﺎ ﺿﻮ
ﺍﻟﺒﻴﺖ ﻭﺑﻌﺪ ﻛﺪﻩ ﺟﺎﻫﻮ ﺻﻮﺕ
ﺍﻟﻐﻮﻝ ﻛﻞ ﻣﻦ ﺃﺧﺘﻚ ﻛﻞ ﻣﻦ
ﺃﺧﺘﻚ ﻭﺑﻌﺪ ﻛﺪﻩ ﺟﺎﻫﻮ ﺻﻮﺕ
ﺍﻟﻮﻟﺪ ﺍﻟﺼﻐﻴﺮ ﺍﻧﺎ ﻣﺎﻟﻲ ﻳﺎﺧﺎﻟﻲ ،،
ﺍﻧﺎ ﻣﺎﻟﻲ ﻳﺎ ﺧﺎﻟﻲ ﻭﺑﻌﺪ ﻛﺪﻩ
ﺟﺎﻫﻮ ﺻﻮﺕ ﺍﻟﺤﻤﺎﻣﺔ ﺟﻴﺖ
ﺍﺗﻔﺮﺝ ﻭﻓﺮﺟﻮﻧﻲ ﻛﺴﺮﻭﺍ ﻋﻀﻴﻢ
ﺿﻬﺮﻱ ﻭﺭﻳﺤﻮﻧﻲ ،، ﺟﻴﺖ ﺍﺗﻔﺮﺝ
ﻭﻓﺮﺟﻮﻧﻲ ﻛﺴﺮﻭﺍ ﻋﻀﻴﻢ ﺿﻬﺮﻱ
ﻭﺭﻳﺤﻮﻧﻲ ،، ﻭﺑﻌﺪ ﻛﺪﻩ ﻋﺎﺵ
ﻳﺎﺳﺮ ﻣﻊ ﺣﻴﻮﺍﻧﺎﺗﻪ ﻓﻲ ﺍﻟﻐﺎﺑﺔ
ﻓﻲ ﺃﻣﻦ ﻭﺳﻼﻡ ،،