ﺣﺠﻴﺘﻜﻢ ﻣﺎﺑﺠﻴﺘﻜﻢ ,, ﺧﻴﺮﺍ
ﺟﺎﻧﺎ ﻭﺟﺎﻛﻢ ,, ﻗﺎﻟﻮﺍ : ﺍﺑﺪﺃ
ﻟﻴﻜﻢ ﺑﺎﻟﻘﺼﺔ ﺍﻟﻤﻌﺮﻭﻓﺔ
ﻗﺼﺔﻓﺎﻃﻤﺔ ﺍﻟﺴﻤﺤﺔ !!!..
ﻓﺎﻃﻨﺔ ﺍﻟﻘﺼﺐ ﺍﻻﺣﻤﺮ
ﻛﺎﻧﺖ ﺃﺳﻤﺢ ﺑﺖ ﻓﻲ
ﺍﻟﺤﻠﺔ , ﻋﺸﺎﻥ ﻛﺪﻩ ﺳﻤﻮﻫﺎ
ﻓﺎﻃﻨﺔ ﺍﻟﺴﻤﺤﺔ ﻭﺍﻱ ﻭﻟﺪ
ﻓﻲ ﺍﻟﺤﻠﺔ ﻛﺎﻥ ﺑﻴﺤﻠﻢ
ﻳﻌﺮﺳﺎ . ﻳﻮﻡ ﻓﺎﻃﻨﺔ ﻣﺸﺖ
ﺍﻟﺒﺤﺮ ﻭﺩﺧﻠﺖ ﺗﻌﻮﻡ
ﻭﺭﺟﻌﺖ ﺍﻟﺒﻴﺖ ,, ﺑﻌﺪ ﺩﺍﻙ
ﺟﺎﺀ ﻭﻟﺪ ﻋﻤﻬﺎ ﻣﺤﻤﺪ
ﻳﺴﻘﻲ ﺍﻟﺤﻤﺎﺭ ﺣﻘﻮ ,,
ﻭﻓﺠﺄ ﻛﺪﻩ ﻭﺍﺛﻨﺎﺀ ﺍﻟﺤﻤﺎﺭ
ﺑﻴﺸﺮﺏ ﺑﻘﻰ ﻳﻬﻨﻖ ﺷﺪﻳﺪ
ﻭﺭﻗﺪ ﻓﻲ ﺑﻄﻦ ﺍﻟﻮﺍﻃﺔ ﺯﻱ
ﻛﺎﻧﻮ ﺣﺎﺟﺔ ﻭﻗﻔﺖ ﻟﻴﻬﻮ
ﻓﻲ ﺣﻠﻘﻮ ,, ﻣﺤﻤﺪ ﺣﺎﻭﻝ
ﻳﺸﻮﻑ ﺍﻟﺤﺼﻞ ﻋﻠﻲ
ﺍﻟﺤﻤﺎﺭ ﻟﻘﻰ ﺳﺒﻴﺒﺔ ﺷﻌﺮ
ﻓﻲ ﺣﻠﻖ ﺍﻟﺤﻤﺎﺭ ,,ﺍﻟﺴﺒﻴﺔ
ﻛﺎﻧﺖ ﻃﻮﻳﻠﺔ ﻃﻮﻝ ﺷﺪﻳﺪ
ﻣﺤﻤﺪ ﺣﻠﻒ ﻳﻤﻴﻦ ﺍﻻ
ﻳﻌﺮﺱ ﺻﺎﺣﺒﺘﺎ .
ﺍﻫﺎ ﺑﻌﺪ ﻛﺪﻩ ﺍﻱ ﺑﺖ ﻓﻲ
ﺍﻟﺤﻠﺔ ﻗﺎﺳﻮ ﺷﻌﺮﻫﺎ
ﺑﺎﻟﺴﻴﺒﺔ ﻭﻛﻠﻮ ﻛﻠﻮ ﻣﺎ
ﻟﻘﻮﻫﺎ ,,ﻓﻲ ﺍﻟﻨﻬﺎﻳﺔ ﻗﺎﻟﻮ
ﻳﻤﻜﻦ ﺗﻜﻮﻥ ﺣﻘﺖ
ﻓﺎﻃﻨﺔ ,, ﻓﻌﻼ ﻗﺎﺳﻮﻫﺎ
ﻃﻠﻌﺖ ﻣﻦ ﺷﻌﺮﻫﺎ ,, ﻣﺤﻤﺪ
ﻗﺎﻝ ﺍﻻ ﻳﻌﺮﺳﺎ ,,ﺍﻟﺠﻤﺎﻋﺔ
ﻗﺎﻟﻮ ﻟﻴﻬﻮ ﻣﺎﻣﻤﻜﻦ ﻻﻧﻮ ﻛﺎﻥ
ﺻﻐﻴﺮ ﺷﺪﻳﺪ ,, ﻭﻫﻲ ﻛﺎﻧﺖ
ﺃﻛﺒﺮ ﻣﻨﻮ ﺑﻲ ﺧﻤﺴﺔ
ﺳﻨﻴﻦ ,, ﺍﺑﺎ ﻛﻠﻮ ﻛﻠﻮ ﻳﺘﻨﺎﺯﻝ
ﻋﻦ ﻗﺮﺍﺭﻭ .
ﻳﻮﻡ ﺍﻟﻌﺮﺱ ﻟﺒﺴﻮ ﻓﺎﻃﻨﺔ
ﺩﺍﻙ ﻳﺎ ﺍﻟﺘﻮﺏ ﻭﻣﻠﻮﻫﺎ
ﺑﺎﻟﺪﻫﺐ ,,ﻛﺎﻧﺖ ﺟﻤﻴﻠﺔ
ﺟﻤﺎﻝ ﺷﺪﻳﺪ ,, ﻃﺒﻌﺎ ﻓﺎﻃﻨﺔ
ﻛﺎﻧﺖ ﺭﺍﻓﻀﺔ ﺍﻟﻌﺮﺱ ﻗﺎﻣﺖ
ﻭﺍﺛﻨﺎﺀ ﺍﻟﻨﺎﺱ ﻣﺸﻐﻮﻟﺔ
ﺷﺮﺩﺕ ﻣﻦ ﺍﻟﺒﻴﺖ ﻭﺟﺮﺕ
ﻋﻠﻰ ﺍﻟﻐﺎﺑﺔ ,
ﺑﻘﺖ ﻣﺎﺷﺔ ﺑﻴﻦ ﺍﻟﺸﺠﺮ
ﺯﻣﻦ ﻃﻮﻳﻞ ﺷﺪﻳﺪ ,,ﻓﺠﺄﺓ
ﻟﻘﺖ ﺭﺍﺟﻞ ﻋﺠﻮﺯ ﻣﺸﺖ
ﻋﻠﻴﻬﻮ ,,ﺑﻌﺪ ﺳﻠﻤﺖ ﻋﻠﻴﻬﻮ
ﻗﺎﻟﺖ ﻟﻴﻬﻮ ﻋﻤﻲ ﺍﺫﺍ ﻋﺎﻳﺰ
ﺗﺘﻄﻠﻊ ﺟﻠﺪ ﻋﺠﻮﺯ ﺗﻌﻤﻞ
ﻟﻴﻬﻮ ﺷﻨﻮ؟ ﻗﺎﻝ ﻟﻴﻬﺎ ﻛﺎﻥ
ﻃﻘﻴﺘﻲ ﻋﺠﻮﺯ ﺑﻲ ﺷﻮﻛﺔ
ﻓﻲ ﻧﺺ ﺭﺃﺳﻮ ﺟﻠﺪﻭ
ﺑﻴﻄﻠﻊ ,, ﻓﺎﻃﻨﺔ ﺑﺴﺮﻋﺔ
ﺷﺎﻟﺖ ﺷﻮﻛﺔ ﻭﻃﻘﺘﻮ ﻓﻲ
ﺭﺃﺳﻮ ﻭﻃﻠﻌﺖ ﺟﻠﺪﻭ
ﻟﺒﺴﺘﻮ ,, ﺑﻘﺖ ﻣﺘﻨﻜﺮﺓ ﻓﻲ
ﺻﻮﺭﺓ ﺍﻟﻌﺠﻮﺯ .
ﺑﻌﺪ ﻛﺪﻩ ﺑﻘﺖ ﻣﺎﺷﺔ
ﻭﻣﺎﺷﺔ ﻭﻣﺎﺷﺔ ﻟﺤﺪﻱ
ﻭﺻﻠﺖ ﻟﻴﻬﺎ ﻗﺼﺮ
ﻛﺒﻴﺮ ,, ﺩﺧﻠﺖ ﺍﻟﻘﺼﺮ ﻭﻗﺎﻟﺖ
ﻋﺎﻳﺰﺓ ﺗﻘﺎﺑﻞ ﺍﻻﻣﻴﺮ ,,,ﺍﻫﺎﺍ
ﻗﺎﻟﺖ ﻟﻲ ﺍﻻﻣﻴﺮ ﻋﺎﻳﺰﺓ
ﺗﺸﺘﻐﻞ ﻋﻨﺪﻭ ,, ﺍﻻﻣﻴﺮ ﻗﺎﻝ
ﻟﻲ : ﺑﺘﻌﺮﻑ ﺗﺰﺭﻉ؟ ,,
ﺍﻟﻌﺠﻮﺯ ﻗﺎﻝ ﻟﻲ : ﻣﺎ ﻓﻴﻨﻲ
ﻗﺪﺭﺓ ﻋﻠﻰ ﺍﻟﺰﺭﺍﻋﺔ ,, ﺍﻻﻣﻴﺮ
ﻗﺎﻝ ﻟﻲ : ﺑﺘﺮﻋﻰ ﺍﻟﻐﻨﻢ ؟
ﺍﻟﻌﺠﻮﺯ ﻗﺎﻝ ﻟﻲ : ﺑﻴﺠﺮﻥ
ﺑﻌﻴﺪ ﻣﺎﺑﻘﺪﺭ ﺃﻟﺤﻘﻦ ,,
ﺍﻻﻣﻴﺮ ﻗﺎﻝ ﻟﻲ : ﻃﻴﺐ
ﺑﺘﻌﺮﻑ ﺗﻌﻤﻞ ﺷﻨﻮ؟ ﺍﻟﻌﺠﻮﺯ
ﻗﺎﻝ ﻟﻲ ﺑﻌﺮﻑ ﺍﺭﻋﻲ
ﺍﻟﻮﺯﻳﻦ (ﻳﻌﻨﻲ ﻃﻴﻮﺭ ﺍﻟﻮﺯ ) ,,
ﺍﻻﻣﻴﺮ ﻗﺎﻝ ﻟﻴﻬﻮ ﺧﻼﺹ
ﻛﻮﻳﺲ ﺗﺎﻧﻲ ﻛﻞ ﻳﻮﻡ ﻣﻦ
ﺍﻟﺼﺒﺎﺡ ﺗﻤﺸﻲ ﺍﻟﺒﺤﺮ
ﻭﻣﻌﺎﻙ ﻭﺍﺣﺪ ﻣﻦ ﺍﻟﺨﺪﻡ
ﺗﺮﻋﻮﺍ ﺍﻟﻮﺯ ﻭﺗﺮﺟﻌﻮﺍ ﻣﻊ
ﺍﻟﻐﺮﻭﺏ .
ﺍﻟﻴﻮﻡ ﺍﻟﺘﺎﻧﻲ ﻣﻦ ﺍﻟﺼﺒﺎﺡ
ﻃﻠﻊ ﺍﻟﻌﺠﻮﺯ ﻭﻣﻌﺎﻫﻮ ﺧﺎﺩﻡ
ﺑﻴﻜﻢ (ﻳﻌﻨﻲ ﺍﺑﻜﻢ) ,, ﻟﻤﻦ
ﻭﺻﻠﻮ ﺍﻟﺒﺤﺮ ﺍﻟﻌﺠﻮﺯ ﻃﻠﻊ
ﺍﻟﺠﻠﺪ ﻭﻇﻬﺮﺕ ﻓﺎﻃﻨﺔ
ﻭﻛﻤﺎﻥ ﻃﻠﻌﺖ ﺍﻟﺪﻫﺐ
ﺍﻟﻼﺑﺴﺎﻫﻮ ﻭﺧﺘﺘﻮ ﻣﻊ
ﺍﻟﺠﻠﺪ ,, ﻭﻃﺒﻌﺎ ﺍﻟﺨﺎﺩﻡ
ﻣﺨﻠﻮﻉ ﺷﺪﻳﺪ ﻟﻜﻦ ﻣﺎﺑﻴﻘﺪﺭ
ﻳﺘﻜﻠﻢ ,,ﺍﻫﺎﺍ ﻓﺎﻃﻨﺔ ﺩﺧﻠﺖ
ﺍﻟﺒﺤﺮ ﻣﻊ ﺍﻟﻮﺯ ﻭﺑﻘﺖ
ﺗﻐﻨﻲ .......
ﺷﻦ ﺑﺪﻭﺭ ﻳﺎ ﺑﻴﻜﻢ ..
ﻛﻮﺭﻋﻴﻦ ﺣﻤﺎﻡ ﻳﺎ ﺑﻴﻜﻢ ..
ﺭﻳﺶ ﺍﻟﻨﻌﺎﻡ ﻳﺎ ﺑﻴﻜﻢ ..
ﺷﻌﺮﺍ ﻃﻮﻳﻞ ﻳﺎ ﺑﻴﻜﻢ ..
ﻣﺘﻞ ﺍﻟﺤﺮﻳﺮ ﻳﺎ ﺑﻴﻜﻢ ..
ﻭﺍﺳﺘﻤﺮﺕ ﺗﻐﻨﻲ ﻛﺪﻩ ﻭﺍﻟﻮﺯ
ﻳﺮﻗﺺ ﻣﻌﺎﻫﺎ ﻟﺤﺪﻱ
ﺍﻟﻐﺮﻭﺏ ,, ﻃﻠﻌﺖ ﻭﻟﺒﺴﺖ
ﺍﻟﺪﻫﺐ ﻭﺍﻟﺠﻠﺪ ,,ﻭﺍﻟﻮﺯ
ﺑﻴّﺾ ﺑﻴﺾ ﻛﺘﻴﺮ ﺷﺪﻳﺪ ,,
ﻟﻤﻦ ﺭﺟﻌﻮﺍ ﺍﻟﻘﺼﺮ ﺍﻟﺨﺎﺩﻡ
ﺣﺎﻭﻝ ﻳﻘﻮﻝ ﻟﻼﻣﻴﺮ ﺷﺊ
ﺑﻘﻰ ﻳﻘﻮﻡ ﻟﻴﻬﻮ ﺍﻣﻤﻢ ﺍﻡ
ﺍﻣﻤﻤﻤﻢ ﻭﻳﺄﺷﺮ ,,ﻭﺍﻻﻣﻴﺮ
ﻣﺎﻗﺪﺭ ﻳﻔﻬﻤﻮ ﻗﺎﻡ ﺳﺄﻝ
ﺍﻟﻌﺠﻮﺭ ,, ﺍﻟﻌﺠﻮﺯ ﻗﺎﻝ ﻟﻲ :
ﺑﻴﻘﻮﻝ ﻟﻴﻚ ﻋﻴﺎﻥ ﻛﻮﻛﻮﻧﻲ
ﺑﺎﻟﻨﺎﺭ ﻣﺸﻮ ﻛﻮﻫﻮ ﺑﺎﻟﻨﺎﺭ .
ﺑﺮﺿﻮ ﺍﻟﻴﻮﻡ ﺍﻟﺘﺎﻧﻲ ﻣﺸﻰ
ﻣﻌﺎﻫﺎ ﺧﺎﺩﻡ ﺗﺎﻧﻲ ,, ﺑﺮﺿﻮ
ﺑﻴﻜﻢ ﻭﺣﺼﻞ ﻧﻔﺲ
ﺍﻟﺸﺊ ,,ﺍﻻﻣﻴﺮ ﻟﻤﻦ ﺳﺄﻝ
ﺍﻟﻌﺠﻮﺯ ﻗﺎﻝ ﻟﻴﻬﻮ ﺑﻴﻘﻮﻝ
ﻟﻴﻚ ﻳﺪﻱ ﻭﺍﺟﻌﺎﻧﻲ
ﺍﻗﻄﻌﻮﻫﺎ ﻟﻲ ,, ﻭﻗﻄﻌﻮ
ﻟﻠﺨﺎﺩﻡ ﻳﺪﻭ ,, ﺑﻌﺪ ﻛﻢ ﻳﻮﻡ
ﺍﻻﻣﻴﺮ ﺷﻚ ﺍﻧﻮ ﻓﻲ ﺷﺊ
ﺑﻴﺤﺼﻞ ﻓﻲ ﺍﻟﺒﺤﺮ .
ﺍﻟﻴﻮﻡ ﺍﻟﺒﻌﺪﻭ ﺍﻻﻣﻴﺮ ﻣﺸﻰ
ﻗﺒﻞ ﺍﻟﻌﺠﻮﺯ ﻭﺍﻟﺨﺎﺩﻡ ﻭﻃﻠﻊ
ﻓﻲ ﺷﺠﺮﺓ ﺟﻨﺐ
ﺍﻟﺒﺤﺮ ,, ﻟﻤﻦ ﻭﺻﻞ ﺍﻟﺨﺎﺩﻡ
ﻭﺍﻟﻌﺠﻮﺯ ﺣﺼﻞ ﻧﻔﺲ ﺷﺊ
ﻃﻠﻌﺖ ﺍﻟﺠﻠﺪ ﻭﺍﻟﺪﻫﺐ
ﻭﺩﺧﻠﺖ ﺗﻌﻮﻡ ﻣﻊ
ﺍﻟﻮﺯﻳﻦ ,, ﺍﻻﻣﻴﺮ ﺍﻧﺪﻫﺶ
ﺷﺪﻳﺪ ,, ﻗﺎﻡ ﺑﺮﺍﺣﺔ ﺑﺪﻭﻥ
ﻣﺎﻳﺤﺲ ﺍﻟﺨﺎﺩﻡ ﻣﺪ ﻋﺼﺎﻳﺔ
ﻭﺷﺎﻝ ﺧﺎﺗﻢ ﻣﻦ ﺧﺘﻢ
ﻓﺎﻃﻨﺔ . ﻟﻤﻦ ﺧﻼﺹ ﻭﻗﺖ
ﺍﻟﻐﺮﻭﺏ ﺟﺎﺀ ﻓﺎﻃﻨﺔ ﻃﻠﻌﺖ
ﺗﻠﺒﺲ ﺍﻟﺪﻫﺐ ﻭﺍﻟﺠﻠﺪ ﻟﻘﺖ
ﻓﻲ ﺧﺎﺗﻢ ﻧﺎﻗﺺ ,, ﻗﺎﻣﺖ
ﺗﺘﺸﺎﻛﻞ ﻣﻊ ﺍﻟﺨﺎﺩﻡ
"ﺗﺴﺮﻗﻨﻲ ﺃﻧﺎﺍﺍ؟؟ ,,,ﺷﻜﻴﺘﻚ
ﻋﻠﻰ ﺍﻟﻠﻪ ,,ﺍﺍﺍﺍ ,, ﻃﻠﻊ ﺍﻟﺨﺎﺗﻢ"
ﻭﺿﺮﺑﺘﻮ ﺿﺮﺏ
ﺷﺪﻳﺪ ,, ﺍﻻﻣﻴﺮ ﻟﻤﻦ ﺷﺎﻑ
ﺍﻟﺤﺎﺻﻞ ﺭﺟﻊ ﺍﻟﺨﺎﺗﻢ
ﺑﺮﺍﺣﺔ ,, ﻫﻲ ﺷﺎﻓﺖ ﺍﻟﺨﺎﺗﻢ
ﺷﺎﻟﺘﻮ ﻭﻟﺒﺴﺖ ﺍﻟﺠﻠﺪ
ﻭﺭﺟﻌﺖ ﻣﻊ ﺍﻟﺨﺎﺩﻡ ﺍﻟﻘﺼﺮ .
ﺍﻟﻴﻮﻡ ﺍﻟﺒﻌﺪﻭ ﺍﻻﻣﻴﺮ ﻧﺎﺩﻯ
ﺍﻟﻌﺠﻮﺯ ﻗﺎﻝ ﻟﻴﻬﻮ ﻋﻤﻲ
ﺍﻟﻌﺠﻮﺯ ﺭﺃﻳﻚ ﺷﻨﻮ ﺗﻠﻌﺐ
ﻣﻌﺎﻱ ﺷﻄﺮﻧﺞ ﻟﻜﻦ ﺍﻟﺒﻴﻔﻮﺯ
ﻳﻄﻠﻊ ﺟﻠﺪ ﺍﻟﺘﺎﻧﻲ ,, ﻟﻌﺒﻮ
ﺃﻭﻝ ﻣﺮﺓ ﻓﺎﺯ
ﺍﻟﻌﺠﻮﺯ ,, ﺍﻻﻣﻴﺮ ﻗﺎﻝ ﻟﻴﻬﻮ :
ﺃﻋﻔﻴﻨﻲ ,, ﺍﻟﻌﺠﻮﺯ ﻋﻔﻰ
ﻟﻴﻬﻮ ,, ﻟﻌﺒﻮ ﻟﻠﻤﺮﺓ ﺍﻟﺘﺎﻧﻴﺔ
ﻭﺑﺮﺿﻮ ﺍﻟﻌﺠﻮﺯ
ﻛﺴﺐ ,, ﺍﻻﻣﻴﺮ ﻗﺎﻝ ﻟﻴﻬﻮ :
ﺍﻋﻔﻴﻨﻲ ,, ﺍﻟﻌﺠﻮﺯ ﺑﺮﺿﻮ
ﻋﻔﻰ ,, ﺗﺎﻟﺖ ﻣﺮﺓ ﻛﺴﺐ
ﺍﻻﻣﻴﺮ ,, ﺍﻟﻌﺠﻮﺯ ﻗﺎﻝ ﻟﻴﻬﻮ :
ﺍﻋﻔﻴﻨﻲ ,, ﺍﻻﻣﻴﺮ ﺍﺑﺎ ﻳﻌﻔﻲ
ﻟﻴﻬﻮ ,, ﻭﺷﻖ ﺟﻠﺪﻭ ﻭﻇﻬﺮﺕ
ﻓﺎﻃﻨﺔ ﺍﻟﺴﻤﺤﺔ .
ﺑﻌﺪ ﺩﺍﻙ ﺣﻜﺖ ﻟﻲ ﺍﻻﻣﻴﺮ
ﻗﺼﺘﻬﺎ ﻣﻊ ﺍﻫﻠﻬﺎ ,,ﻭﺍﻻﻣﻴﺮ
ﺭﺟﻌﻬﺎ ﻗﺮﻳﺘﻬﺎ ﻭﻃﻠﺒﻬﺎ
ﻭﺍﻫﻠﻬﺎ ﻭﻭﺍﻓﻘﻮﺍ ,,ﻭﺍﺗﺰﻭﺟﻮﺍ
ﻭﻋﺎﺷﻮ ﻓﻲ ﺗﺒﺎﺕ ﻭﻧﺒﺎﺕ
ﻭﺧﻠﻔﻮﺍ ﺻﺒﻴﺎﻥ ﻭﺑﻨﺎﺕ .
ﻳﺎﺟﻤﺎﻋﺔ ﺍﻯ ﺯﻭﻝ ﻋﻨﺪﻭ ﺍﻯ
ﻗﺼﺔ ﻣﻦ ﺍﺣﺎﺟﻰ ﺣﺒﻮﺑﺎﺗﻨﺎ
ﺍﺳﺮﺩﻫﺎ ﻫﻨﺎ
ﺍﺩﻳﻜﻢ ﺍﻟﻌﺎﻓﻴﺔ
الرئيسية 
المنشورات 
صفحتنا على الفيس بك 
