عباس ادريس : جنك سفر جنك غياب

جنك سفر جنك غياب
جنك مطارات واغتراب
ﻻراضي قلبك يبتعد
ﻻ حن قرب ﻻ استجاب

مالك تبيني وتختفي
رقراقه زي ضل الرهاب
كان وا شقاي يوم فرقتك
لو ﻻ عشم امل اﻻياب

ياروعة الزمن الفرح
بعد الحزن واﻹكتئاب
يابلسم القلب النزف
ياغيم بوداينا اليباب

شوفتك متل رحلة اماني
علي سفن بحر السراب
ابعد موانيها الصدف
في غربه بي قلبين قراب

باهي ما بيخفي القمر
مهما يعاديهو الضباب
ﻻ وﻻ حصل يوم من طلع
ماشفنا نمة وارقا ب

ﻻبد يبين يلقالو بريق يترسم بينات
وشاشيق السحاب يتواتا حنو مع القدر
ينساب محنه علي التراب

ليــــالى الشــــــــوق
كلمات: عبـــاس ادريـس
الحان وغنـاء: محمــد النصــــــرى

لمن ليالى الشوق تسافر فوق جناحاتَ الشقا
لما القلوب بي لهفه تتلاقي يجود ليها اللقا
والشوق يقالد بي حنان قلبين شقي الشوق فرقا
وأحكيهو ليك البينا كان ياغاليه في بعدك بقى
من يوم فراقك يا الحبيب قلبي المودرو مالقا
لا ريحت بالي الظنون لا استراح من يومو الشقا
ياليل صباحاتك بعاد وشمسك مخاصمي مشارقا
ولا اصلو ليل العاشقيين ياليل ليالي مطابقا
سهرانى فيك ياليل عيون وحياتك النوم فارقا
مفجوعة في طولك تنوح وتجري الدمووع متصااابقة
لا قبلتك جابتلي زيف لا في سماك بوارقا
لا إستراح في ظلمتك ياليل عشوق لا عاشقا　
لو ما الدموع كان القلوب لهب المآسي يحرقا
لولا الأمل كان الفراق كل البشارات يسرقا
ولولا الفراق ماكان حلاوة اللقيا تسع الضايقا
لولاكي ماكان العلي يالبيكي رويحتي معلقا



كلمات والحان عباس ادريس


اداء الاستاذ : محمد النصرى



الزكريات نامت على الحيل منتكى نام حيلا هداهو الوقاف


والامنيات مالت على الليل تشتكى لملم ظلامو الليل وخاف


شرقت شمس الفراق صبحت ديار الشوق جفاف


اتلاشن ايامى الخضر واتابكنى ايام عجاف


*


فى حضرتك مضت السنين زى سرعه الايام خفاف


وبلاكى تمد وتطول ايامى تبقى رداف رداف


ياحليل اماسينا الحنان يا حليل ليالينا العفاف


ياحلينا من بعد السفر قلبينا يبقو رهاف رهاف


*


الفتنا كانت امنيات يحلمبها الموج والضفاف


سرق القدر فرح السنبن مديت حبال صبرى الضعاف


راضيهو حكمك ياقدر لابيه ريبه ولاخلاف


باكر بشير الخير يجى شائل البشاير ليه زاف


*


نتلاقى فى حضن الامان يرحل زمن عطشان وجاف


تزهر حقول مرابه صيف نشفت مع الايام نشاف


تسطع مصابيح الغرام يزدان فرح يوم الزفاف


انا وانتى والشووق نتفق وافراحنا تملى الكون هتاف


*


ابحرته من شاطي الظنون جيت لليقين والاعتراف


سافرت فوق سرج الخيال طيفك ختر فى بالى طاف


لامل حيلى من السفر لا كلت افكارى الطواف


عارف ثمار جرف الامل بجنيهو فى آخر المطاف

الحان واداء الاستاذ : محمد النصرى



بينى بينك دنيا بى هوله وصعابه


بى سهوله وبى هضابه


بى صحاريها وسرابه


بينى بينك زى سما الدنيا وترابه


بينى بينك مهالك كل قلوب الناس تهابه





يا منابع اشواقى منك منبع آهاتى وعزابه


رغم انك جوة خاطرى روحى تشكى من اغترابه


عمرى فى دنياكى جنه وبعدك الآخرة وحسابه


والقريب بى ذاتو جوة فى الخاطر صبابه





ياسنين قبال تعدى افرحى وخلى الكآبه


انهلى واسقى الامانى سوي نبع الريد شرابه


اروى قلبى انا من حنينك روحى لسع شبابه


منك اتعلمت اصبر ما الصبر ذاد القلابه





القسم يانور عيوني بينى بينك ساوي بابه


والامانى الحاضنى صبرى فى الافق حائم غرابه


يادموع اشواقى كبت اسقى واديكن يبابه


ما الدموع مرات بتمسح اهة الروح واكتآبه





شفتى كيف الباديه تفرح لما تبكيلا السحابه


وكيف يحن وتر الاغانى لما تبكيهو الربابه


وكيف يفيض نبض المشاعر فى قلوب ممدود رحابه


حاجه بين البين غرامك لاعداوه ولاصحابه





يامنابع الشوق عشانك كلها الاهوال حبابه


بانى سايم الروح عشانك وراجى من فضلك ثوابه


مانى خائف من مصيرا قبلى قيس اهوالو جابه


ياما قبالى الحبايب ودرت فى الريد رقابه





لو يجف بحر المشاعر والشواطي تكون خرابه


والضفاف تبكى وتوادع قطرت الموجه وعبابه


والجروف تهجر قيوفه ويبقى زى البيد رهابه


والسهول يرحل خريفه ويهجر الوديان صبابه


وفوق جبال التاكا تنبت نخله وابنوسه وهشابه


وينهزم فرح الامانى وتلبس الاحزان تيابه


حاشا قلبى انابيغير سكه اختاره ومشابه