الليلة ليل ياليل
للسفرو بالليل
يا حليل جدي الريل
ودعنا دمعو يسيل
وا بورو شق النيل
خاويهو زي السيل

كان شفتو يوم داك
البانة تتاكا
قالت ودعناك
عيني تتباكى

يقدل دخل جوة
في الصندل اتحوه
حرق القلب جوه
لا حول لا قوة

من القرير حل
الصورك جل
رفع الستار طل
دماعو سال بل

طالب المقل غرب
أمواجو تتقلب
بحاريهو اتسلب
جر السلك تلب

قام بيهو لي أوسلي
مين الصبر متلي
والله العظيم أصلي
لا ديمة ماب اسلي

خلوني في حيرتي
قام بيهو لي كورتي
يا خلا كيف شورتي
شالوها نوارتي

قام لأم بكول كابس
قالو البحر يابس
كان البرد قارس
الريس شن حارس

مورة ود قدورة
طباها بابورة
يا حليل المضمورة

الدنيا غدارة
الحتاني وحجاره
قصاد البيارة
ضربولو صفاره
جات ناسو تتجاره

ريح الكلد نسم
بي توبا تتلثم
تتنى تتبسم
وأنا يومي يتقسم

وصل الكلد رك
شوف ناسا حابكا
جات نازلا تتكا
حورية لا شك

تلاتة عتالة
رموها السقالة
الحالة بطالة
سوقيها يا خالة

يا يابا ود بيلي
نادهك وقف حيلي
بين بكرة والليلي
تجيبو لي زولي

يا أم باب حمد جارا
حارقة القلب نارة
لو ترجع لي دارة
علي المزارة